يقول الاستاذ إسلم ولد محمدو حفظه الله
مبتهلا:
يلمالك غايه بوكوف @ ألالك غايه يل بكعاد
فرحن عند الوقوف @ لديك يوم التنادي
ولبرزخ لانتلق فيه @ كون المتمني والنبغيه
قبر واسع نتنعم فيه @ ذاك أنت من لطفك عاد
لاينضم اعلي خليه @ متباعد كل البعاد
منير أنور يكدح فيه @ ذوكوو يراع كاد
إلهي لانتوحش فيه @ أهل وولاد وأحفاد
لانسول يا رب فيه @ ثبتل فم أعتقاد
نشهد بل شهد رب بيه @ أنفس يقين اشهاد
مان متوكل كون اعليه @ هو أل عليه اعتماد
ابلا عمل مزود بيه @ مخل و حمل زاد
تايب من ذنب مانحصيه @ مع عفو ماه متكاد
امحسن ظن حت بيه @ حسن ظن هو زاد
ونبين مصدق جدا بيه @ ورسل دون انفراد
هاذ كلت حي اراعيه @ قبل فناء الاجساد
يشهد لملكين اعليه @ ولخالق لعظم وجاد
ثبتن عند لموت اعليه @ واجعل موت طيب اركاد
وحيين يوم البعث عليه @ فأنت محي الجماد
ولمحشر لانستحف فيه @ يوم يناد لمناد
انا و لكامل عالق بيه @ ووالدي وولادي
ألخوت المسلمين أهيه @ وخوات هوم وجداد
ابجاه الشفيع النبيه @ اليشفع يوم تناد
لين إعم الفزع وتجيه @ لمم كامله تناد
يارسول الله ونبيه @ ذليوم ال ماه عاد
الشمس اكرابت من فيه @ ولحمان اشديد اكاد
إل عرك عاد امغوبيه @ ول كاع افعرك غاد
كل يفر من اخيه @ والخ يناد في واد
والأنبي ماشفعت فيه @ كلهم كان ابعذر باد
ذ من تقدير الله البيه @ امراد فوق لمراد
ذ ليوم ابين فضل فيه @ علي رؤوس لشهاد
يسجد متواضع لربيه @ مجيب دعي سجاد …………
يفتحل ف الثنا أيعطيه @ من فضل بلا نفاد
وافذاك اسجود إناديه @ اشفع تشفع فعباد
يرفع راص ومد أيديه @ وشفعت ذيك الاياد
عدلمدح ماينكط فيه @ كذب مايلحك ذاك اعداد
الى فات ادهر انعد فيه @ وكان البحر مداد
بخلاف مدح مايحصيه @ الخاط رب لعباد
ال خلق ذاك ال فيه @ افلزل قبل الإجاد
صل و سلمن عليه @ وعطيه يلكريم الهاد
المقام المحمود البيه @ وعدت اوف معاد
اعن هاذ لم جازيه @ بماه فوق لمراد
يارب متوسلك بيه @ عند اصعاب شداد
اخذ بليمين اتواسيه @ اكتاب ذاك سداد
احسنات لميزان الفيه @ فلاح ثقل رشاد
و صراط المرور اعليه @ كلمح لا كلقواد
امقام الفردوس اعطيه @ ل من فضلك كمعاد
ونظر من اعلي بيه @ هاذ ان هو مراد
يل ملك قاي بوكوف @ الالك قاي بكعاد
فرحن عند لوقوف @ لديك يوم لميعاد
يلمالك غايه بوكوف @ ألالك غايه يل بكعاد
فرحن عند الوقوف @ لديك يوم التنادي
ولبرزخ لانتلق فيه @ كون المتمني والنبغيه
قبر واسع نتنعم فيه @ ذاك أنت من لطفك عاد
لاينضم اعلي خليه @ متباعد كل البعاد
منير أنور يكدح فيه @ ذوكوو يراع كاد
إلهي لانتوحش فيه @ أهل وولاد وأحفاد
لانسول يا رب فيه @ ثبتل فم أعتقاد
نشهد بل شهد رب بيه @ أنفس يقين اشهاد
مان متوكل كون اعليه @ هو أل عليه اعتماد
ابلا عمل مزود بيه @ مخل و حمل زاد
تايب من ذنب مانحصيه @ مع عفو ماه متكاد
امحسن ظن حت بيه @ حسن ظن هو زاد
ونبين مصدق جدا بيه @ ورسل دون انفراد
هاذ كلت حي اراعيه @ قبل فناء الاجساد
يشهد لملكين اعليه @ ولخالق لعظم وجاد
ثبتن عند لموت اعليه @ واجعل موت طيب اركاد
وحيين يوم البعث عليه @ فأنت محي الجماد
ولمحشر لانستحف فيه @ يوم يناد لمناد
انا و لكامل عالق بيه @ ووالدي وولادي
ألخوت المسلمين أهيه @ وخوات هوم وجداد
ابجاه الشفيع النبيه @ اليشفع يوم تناد
لين إعم الفزع وتجيه @ لمم كامله تناد
يارسول الله ونبيه @ ذليوم ال ماه عاد
الشمس اكرابت من فيه @ ولحمان اشديد اكاد
إل عرك عاد امغوبيه @ ول كاع افعرك غاد
كل يفر من اخيه @ والخ يناد في واد
والأنبي ماشفعت فيه @ كلهم كان ابعذر باد
ذ من تقدير الله البيه @ امراد فوق لمراد
ذ ليوم ابين فضل فيه @ علي رؤوس لشهاد
يسجد متواضع لربيه @ مجيب دعي سجاد …………
يفتحل ف الثنا أيعطيه @ من فضل بلا نفاد
وافذاك اسجود إناديه @ اشفع تشفع فعباد
يرفع راص ومد أيديه @ وشفعت ذيك الاياد
عدلمدح ماينكط فيه @ كذب مايلحك ذاك اعداد
الى فات ادهر انعد فيه @ وكان البحر مداد
بخلاف مدح مايحصيه @ الخاط رب لعباد
ال خلق ذاك ال فيه @ افلزل قبل الإجاد
صل و سلمن عليه @ وعطيه يلكريم الهاد
المقام المحمود البيه @ وعدت اوف معاد
اعن هاذ لم جازيه @ بماه فوق لمراد
يارب متوسلك بيه @ عند اصعاب شداد
اخذ بليمين اتواسيه @ اكتاب ذاك سداد
احسنات لميزان الفيه @ فلاح ثقل رشاد
و صراط المرور اعليه @ كلمح لا كلقواد
امقام الفردوس اعطيه @ ل من فضلك كمعاد
ونظر من اعلي بيه @ هاذ ان هو مراد
يل ملك قاي بوكوف @ الالك قاي بكعاد
فرحن عند لوقوف @ لديك يوم لميعاد
المشاركات
0 التعليقات:
إرسال تعليق